"JÁKVÆÐ" STJÖRNUSPÁ!! :D

Dýrahringurinn byrjar á Hrútnum og endar á Fiskunum. Byrjar illa og endar enn verr, fer úr kjafthætti og frekju yfir í væmni og óákveðni. Talandi um að fara úr öskunni í eldinn, alla leið frá hræðslulausri rollu yfir í rollulegan fisk!
-----------------------------------------

Hrútsmerkið er rolla, ég meina karlkyns rolla þ.e. hrútur. Rollulegheit eru aftur á móti ekki að finna í eðli Hrútsins (sjá frekar fiskinn). Frekja er í eðli hrúta - ójá. Rollur segja Meeee. Hrútar segja Meeeeeessaðu EKKI í mér.. og þú ættir að sleppa því... hornin geta meitt! Allir hrútar eru ýtnir og halda að þeir viti allt betur en aðrir þeir ryðjast t.d. alltaf á undan í röð... tramp tramp, skvamp og ýt ýt, komast áfram, vera fyrstir - jebb, það er best að koma sér bara úr veginum.

Hrútsmerkið stjórnast af Mars, sem er guð af "Ég vinn, þú tapar"-heimspekinni. !

Nautið er karlkyns belja, ég meina þá auðvitað naut. Beljur gefa manni mjólk, naut gefa manni ósköp fátt nema kannski blakandi nasavængi og hvöss "ég-rek-þau-í-gegnum-þig" horn. Nautin taka það sem þau vilja, þegar þau vilja það - matinn þinn, uppáhaldsstólinn þinn, tíma þinn, orku þína, peningana þína, dótið þitt - þau eiga þetta allt og mega allt. Nautin fljóta í gegnum lífið og éta allt sem á vegi þeirra verður. Sjálfselsku ónytjungar!

Nautsmerkið stjórnast af Venus sem er gyðja dóts og fjármuna.

Tvíburarnir eru alltaf kleyfhuga geðsjúklingar. Þeir geta ekki staðið kyrrir í eina mínútu og svo ljúga þeir stöðugt! Fljóthuga, óákveðnir, flöktandi og algerlega gersamlega klikkaðir. Ekki umgangast tvíbura til lengdar nema þú viljir verða endanlega geðveikur. Hann elskar mig, hann elskar mig ekki, hún elskar mig, hún elskar mig ekki. Þú munt aldrei vita rétta svarið.

Tvíburamerkið stjórnast af Merkúr, guði geðsjúkra hugarleikja.

Krabbamerkið er krabbi og það er ekkert flókið. Röfl, væl og kvartanir, endalaus fyrirtíðaspenna, hvort sem um er að ræða karlkrabba eða konudýr. Einstaka sinnum þegar tunglið er í réttri stöðu verður krabbinn öskrandi geðveikur. Það er eina hvíldin frá endalausu vælinu í honum. Ekkert er nógu gott, enginn hjálpar nógu mikið til, þú borðar ekki nógu vel, bla bla bla. Það er ekki hægt að þóknast þessu liði. Eina lausnin er að stinga þeim ofan í brennheitt vatn og sjóða þá í potti.

Krabbamerkið stjórnast af hinu spúkí tungli og hinum villtu, vanþakklátu sjávarföllum.!

Ljón eru einfaldlega villidýr. Ljón spranga um eins og herrar og ungfrúr, fullkomin, alveg eins og heimiliskötturinn þinn. Ég meina, líttu á köttinn þinn - til hvers eru kettir eiginlega? "Gefðu mér að borða. Sjáðu á mér hárið. Er ég ekki fullkomin? Klappaðu mér, elskaðu mig, leiktu við mig - farðu svo" - hvæs, klór. Þau leika ekki listir, gera ekki það sem þú segir þeim og þau fara úr hárum. Það er allt og sumt.

Ljónsmerkinu er stjórnað af sólinni, herra Geisla sjálfum.

Meyjur eru ekki skemmtilegar. Þær eru hreinar og fölskvalausar og mjöööög smámunasamar. Ekkert og enginn er nógu góður fyrir Meyju. Þær stara á þig með borandi augnaráði og muna alla þína veikleika og galla. Þær þykjast vera vinir þínir og hjálpa þér en allan tímann eru þær flissandi og hlæjandi bakvið þig. Ekki treysta þeim í eina mínútu !

Meyjan stjórnast af Merkúr sem er guð ofurjafnvægis.

Fólk í voginni er alltaf allt úr jafnvægi. Þær reyna og reyna að gera hlutina rétt en þeim tekst það aldrei. Þær bæta smá öðru megin á vigtina, pínu hinum megin og aðeins í viðbót þangað til að þær eiga svo mikið af drasli að þær verða að halda bílskúrssölu eða leigja bás í Kolaportinu. :'D En það gera þær auðvitað aldrei og þær vilja alltaf aðeins meira. Meiri ást, meiri skartgripi, meira gaman, meiri peninga, meiri fegurð, fleiri vini.....

Vogin stjórnast af Venus - sem er gyðja fegurðar sem á fullt af frábæru dóti.

Sporðdrekamerkið er vondur, stingandi sporðdreki, eitrað meindýr, undirförult og hættulegt sníkjudýr myrkursins. ALDREI treysta sporðdreka. Sporðdrekar treysta þér ekki og þeir drepa þig án þess að hugsa sig um tvisvar. Ef þú ferð vel með þá gætu þeir hugsanlega orðið þokkaleg gæludýr - ef þeir eru í búri auðvitað. Sporðdrekinn læðist um allt óséður, kemst inn í hugsanir þínar og drauma og stelur þeim eins og þjófur um nótt. Ertu ekki hrædd(ur)?

Sporðdrekinn stjórnast af Plútó sem er guð kjarnorkusprengjunnar.

Bogmaðurinn er sjálfhverfur, trampandi og hneggjandi hestur. Forðaðu þér úr veginum... af því flest allir Bogmenn eru með augnskjól svo að þeir geta ekki horft til hliðanna og sjá ekkert yfir hvað þeir eru að koma sér í. Þeir segja líka alltaf nákvæmlega það versta sem hægt er að segja í stöðunni einsog; "hei-þú ert miklu ellilegri og feitari en síðast þegar ég sá þig" eða "hvað er þetta eiginlega þarna framan í þér?" Þetta er ekki hreinskilni, þetta er bara grimmd.

Bogmannsmerkinu er stjórnað af Júpiter, hinum upphaflega "ég veit allt best"!

Steingeitin er geit. Leiðinda frek steingeit. Svona geit sem lítur út fyrir að vera gömul og svikul. Þær hengslast upp fjallið já, já, með öllum þeim undirförlu og andstyggilegu trikkum sem þeim dettur í hug. Svo eru þær með uppkrulluð horn, alveg eins og djöfullinn sjálfur. Steingeitur nota og misnota þig á alla mögulega vegu til þess að fá sínu framgengt. Þeim er alveg sama þótt þær þurfi að éta sorp eða þótt það taki óralangan tíma, þeir skulu bara ná sínu fram.

Steingeitin stjórnast af Satúrnusi, hinni eilífu föðurímynd.

Vatnsberinn er villtur vatnastrákur eða stelpa. Þetta er fullkomlega ábyrgðarlaust fólk. Þeir hafa einungis eina reglu; ef það er gott, þá gera þeir það. Vatnsberar eru alltaf með flókin og greindarleg plön í gangi sem þeir síðan hlaupa frá án þess að hugsa sig um tvisvar. Þeir segja þér eitt og láta síðan einhverja fáránlega hugmynd teyma þá alveg til Timbúktú. Ekki einu sinni láta þér detta í hug að reyna að fylgja Vatnsbera eftir, þetta er blautt, sleipt og geðveikt lið.

Vatnsberinn stjórnast af Úranus, guði eldinga, rafmagns og hjólreiðamanna.

Fiskamerkið ... hmm, fiskur? Eða, eiginlega tveir fiskar að synda í gagnstæða átt- alltaf týndir. Fólk í fiskamerkinu lifir í stöðugum ótta vegna þess þeir vita að hættulegar fiskaætur leynast alls staðar.... fylgist bara með því hvernig þeir skjótast um, snarruglaðir og illa fyrirkallaðir. Fiskar geta ekki verið á beinu brautinni í tvær sekúndur og þú þarft ekki annað en að henda út gómsætri beitu þá eru Fiskarnir mættir á sekúndubroti, tilbúnir að bíta á agnið. Auðveldir þessir Fiskar nefnilega (eiginlega eins og rollur).

Fiskarnir stjórnast af Neptúnusi, guði friðar, ástar og ruglings.

ATVINNA ÓSKAST!!

http://mbl.is/mm/atvinna/starf.html?adno=672100

Bara látið mig vita ef þið finnið eitthvað W00t


jæks kuldi ...

http://visir.is/section/FRETTIR03

Stefni ekki á heimaslóðir það er fyrir víst *brrrrrrr*


Próf próf próf

Ég þoli ekki próf. Mér gengur alveg vel að einbeita mér að því að lesa undir þau og fæ hátt fyrir ritgerðirnar mína en þegar ég sest inn í próf þá breytist ég í grænlending sem er að reyna að skrifa kínversku eftir viku námskeið í hollensku..... eða eitthvað Shocking Hausinn á mér bara lokar sig af og neitar að skilja hvorki eitt né neitt og man ekkert. En nú á ég vonandi bara eitt próf eftir á önnini. Svo tekur maður bara næstu önn þegar hún byrjar. En jæja ætla að leggja mig því ég er búin að vera að lesa síðan 5 í morgun og svo skúrar maður og tekur til um helgina því að allt svoleiðis hefur setið á hakanum í þessari lestrar rassíu.

kveðja Björk "les - pían" Tounge


nýjar myndir

af nýkliptum dreng og meira!!

nei þetta gengur ekki lengur

ég er bara alveg hætt að blogga en ætla að fara að bæta úr því !

Við erum komin á nýjan bíl loxins þökk sé múttu minni en við fengum okkur aðra micru ! ekta og mjög fínn kreppubíll eyðir engu! annars er ég bara á fullu í skólanum og gengur bara fínt og bergur er að standa sig mjög vel í sínum skóla ! Hann er líka í handbolta og á skákæfingum en það er svooo ekta hann!!

ég hef verið að setja inn myndbönd af honum inn á youtube en nú eru komin inn 5 stykki

http://www.youtube.com/watch?v=IHcLcRCS0QI

http://www.youtube.com/watch?v=V7KSnScNnY0

http://www.youtube.com/watch?v=DfJ8DKlCwnI

http://www.youtube.com/watch?v=3faT0TBcJVA

http://www.youtube.com/watch?v=EPk1C3j7cr4

svo fullt af myndum á barnalandinu bara slá inn Bergur Snorri

einnig er ég komin á facebook sem er bara fyndið fyrir svona fatlaða tölvukonu eins og mig hehe


Smá dæmisaga vegna hinnar svokölluðu "kreppu"

Íslensk kona hefur verið að styrkja námsmann í Uganda sem "óvænt varð á vegi hennar" eins og hún orðaði það. Hann var búinn að lofa að senda henni einkunnirnar sínar sem hann og gerði þegar þar að kom. Þar kom fram að hann hafði fengið A í öllum fögum og góða umsögn að auki. Það var nefnilega búið að gera honum ljóst að góður árangur væri lykillinn að því að hann fengi áframhaldandi styrk.

En allt er breytingum undirorpið í henni veröld og ýmislegt getur vissulega haft áhrif á afkomu Frónbúans og getu hans til að láta gott af sér leiða. Hún var að velta því fyrir sér hvort rétt væri að reyna að segja honum frá gangi mála hér á landi, þ.e. kreppunni og öllu því. Og það gæti því miður reynst nauðsynlegt að skera eitthvað niður styrkinn vegna hins breytta ástands hérna megin. Það eru nefnilega tiltölulega litlar líkur á því að fréttir af Íslenska skipbrotinu hafi borist alla leið til hans þarna í Entebbe. Og svo er alls ekki víst að hann skilji alvöru málsins á sama hátt og við hér heima. En ef reynt væri að útskýra hið Íslenska kreppuástand fyrir honum sem virðist ætla að fara langt með að sliga þjóðina einhver þó nokkur ár inn í framtíðina, gæti það samtal orðið á eftirfarandi nótum.



*Heyrðu félagi, það er úr vöndu að ráða. Íslenska þjóðin er gjaldþrota!

Hvað segirðu, en leiðinlegt að heyra, eigið þið þá ekki fyrir baunum og maís?

*Jú reyndar eru búðir fullar af mat og enginn vöruskortur.

Hvað segirðu, þið eigið þá mat. Það er gott. En eigið þiðþá ekki þak yfir höfuðið lengur!

*Jú við eigum reyndar íbúð eins og flestir og það eru fáir heimilislausir á Íslandi.

En hvað segirðu mér þá? Gengur plága yfir landið, eru allir veikir og heilbrigðiskerfið lamað?

*Nei nei reyndar ekki, við fáum nánast ókeypis læknaþjónustu og erum með ágætt heilbrigðiskerfi.

Nú jæja. Það var gott að heyra. En eru þá skólarnir að loka og fá kannski ekki allir tækifæri til að læra að lesa lengur og sérstaklega þá ekki konur.

*Jú reyndar er 99,9% læsi á Íslandi og menntakerfið er ágætt, margir með háskólagráður og konur ekki síður en karlar.

Það er nú gott, en þið verðið þá að passa er að lenda ekki í stríði við nágrannaþjóðir ykkar.

*Uuuu við erum reyndar ekki með her og teljumst nú frekar friðsæl þjóð. En við þurfum bara að hlusta á bullið og stríðsyfirlýsingarnar í fíflinu honum Gordon Brown. Það er það sem við munum líklega komst næst því að fara í stríð.

Ok. Segðu mér nú samt ekki að þið komist ekki í hreint vatn.

*Við eigum reyndar besta vatn í heimi.

Nú, er vegakerfið þá ónýtt? Hérna í Afríku ganga allir eða nota asna og stundum reiðhjól. Það eru líka til strætisvagnar hérna, en þeir eru alltaf yfirfullir.

Eru kannski strætóarnir hjá ykkur hættir að ganga?

*Neeee... Það er verið að ræða um hvort almenningssamgöngur hér eigi að vera ókeypis, en það eru flestallir vegir malbikaðir og næstum allir eru á nýlegum bílum.

Eigið þið þá enga peninga til að gera ykkur glaðan dag? Ég meina, þú sagðir að þjóðin væri gjaldþrota.

*Flestir eiga reyndar einhvern sparnað á bókum þó sumir hafi tapað honum eða hluta hans síðustu daga. Það verður alla vega erfitt að kaupa stærri flatskjái og utanlandsferðunum verður að fækka.

Já, ég á kannski einhvern tíma eftir að fara til útlanda, en ég er nú líka frá Uganda. Hefur kannski enginn vinnu og þurfið þið núna öll að betla?

*Neiiij...! Atvinnuleysið er um 2% en við verðum að flytja Pólverjana aftur heim og fara sjálf að vinna vinnuna sem þeir unnu.

Hmmm... Svo þið hafið peninga, mat, húsaskjól, heilbrigðiskerfi, menntakerfi, búið við frið, eigið nóg hreint vatn og samgöngur eru góðar.

Segðu mér, hvert var vandamálið aftur?



Eftir þessar vangaveltur um aðstæður okkar hérna uppi á skerinu og þetta ímyndaða samtal, ákvað hún að vera ekki að íþyngja honum með ræfilslegum áhyggjum sínum af "gjaldþrota" eyríki norður í ballarhafi. Námsgjöld hans skulu greidd hér eftir sem hingað til og kannski fær hann líka smá vasapening með. Hann getur þá kannski tekið strætó í skólann endrum og sinnum í stað þess að þurfa ganga í marga klukkutíma eins og venjulega. Fé hins meinta íslenska terrorista yrði þá líklega bara vel varið.


blessuð sé minning hanns....

Jæja þá er, að ég held, skrjóðurinn látinn! Er að reyna að finna nýjann gamlann og það gengur ekkert of vel þar sem ég hef ekkert vit á þessu! Endilega ef þú hefur eitthvað vit á svona notuðum bílum , hvað þeir eiga svona að kosta miðað við aldur og keyrslu þá máttu endilega hjálpa mér ! Ég er að verða hálf desperat hérna...

Get borgað rúmar 100 þúsund fyrir gamlann eða borgað sama inn á nýrri og tekið við afborgunum en ekki allt of háar á mánuði :)

kveðja komaso í bílaleik


hillan komin upp

HPIM0613

það er að verða svo kósí hjá okkur!!


ullabjakk veður!!

Fór og sótti fínu nýju hillurnar mínar í dag ! Það tók okkur 1 og hálfan tíma að bera þetta á milli húsa hér en þær voru eiginlega bara í næsta húsi. Rokið var svo mikið að ég missti skúffueiningu sem bara fauk úr fanginu á mér en sem betur fer stoppaði áður en hún lenti á næsta bíl! fjúkk.

Ég fór og sótti um aukavinnu með skólanum í dag en ég fór á Olís og það verður hringt þegar vantar að dekka vakt. Það verður bara fínt! Enda er ég heimalingur hjá þeim, var að vinna þar í mörg ár og hef verið á öllum stöðvunum á höfuðborgarsvæðinu held ég nú bara en ég sótti um bara í vesturbænum hér rétt hjá og þekki starfið og stöðuna út í gegn þannig að ég er nú bara að fara að ganga í eitthvað sem ég þekki út í gegn!

en jæja góða nótt í rokinu á Grandanum !!


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband