kannski er þetta ástæðan...

Þrír menn sátu saman og voru að monta sig af því hvernig þeir höfðu látið nýju konurnar sínar fá skyldur og verkefni heima fyrir.

Sá fyrsti hafði gifst konu frá Colorado og hann hafði sagt henni að hún ætti að þvo upp og þrífa húsið. Það tók nokkra daga en á þriðja degi kom hann heim í hreint hús og uppvaskið búið og frágengið.

Annar maðurinn hafði gifst konu frá Nebraska. Hann hafði skipað konu sinni að sjá um öll þrif, uppvask og eldamennsku. Fyrsta daginn hafði ekkert gerst, annan daginn hafði það aðeins skánað og þann þriðja var húsið hreint, uppvaskið búið og svaka steik og meðlæti í matinn.

Þriðji maðurinn hafði gifst konu frá Íslandi. Hann sagði henni að hennar verk væru að halda húsinu hreinu, sjá um uppvaskið, slá garðinn, þvo þvott og elda heita máltíð í hverjum matmálstíma. Hann sagði að fyrsta daginn hefði hann ekki séð neitt, annan daginn sá hann ekki neitt en á þriðja degi minnkaði bólgan aðeins svo hann sá aðeins með vinstra auganu, nóg svo hann gat útbúið sér eitthvað að borða og sett í uppþvottavélina!

Athugasemdir

[Bryndís R (IP-tala skráð) 27.2.2008 kl. 14:31]

AHAHAHAHAHA

[Dísaskvísa (IP-tala skráð) 27.2.2008 kl. 15:04]

LOL .......

[Linda litla, 27.2.2008 kl. 17:37]

Já íslenskar konur láta sko ekki vaða yfir sig. he he he

[Ólöf Anna Brynjarsdóttir, 27.2.2008 kl. 19:06]

Tíhí!
Ég elska íslenskar konur! Þær eru svooo sjálfstæðar og láta engann vaða yfir sig!